喺七一游行完晒，学生冲入立法会再出返嚟，警察放晒催泪弹清场，林郑4:00记者会，瞓醒返工放工后。大陆网军终于决定DDoS啦……er……好迟，感觉好迟！
7月2日上唔到连登、立场，係咪DDoS？其实唔只连登立场，好多网好似Baby Kingdom同香讨都上唔到，其实基本上可以排除DDoS。即係如果骇客要攻击网站或阻止通讯，必定要集中火力攻打目标，才有阻止网站运作的效果。
最近一个出名的DDoS例子就係佔中运动的「PopVote」投票网站在2014年6月14日晚9点至11点及6月15日8点至11点半先后遭受骇客发动DDoS攻击，一度无法连线。投票网站使用三家公司提供的云端运算服务。其中亚马逊网路服务系统在20小时内收到超过100亿次的域名解析查询，CloudFlare与UDomain的网路流量分别达到每秒75Gb与10Gb。大部分攻击来自本地ISP。在攻击事件后，只有CloudFlare愿意继续提供投票服务。
今次出事同样係CloudFlareCloudFlare的CEO亦都好快就澄清唔係DDoS，事实上一个软体升级出事，做成CloudFlare运作唔到，IT人亦都在30分钟内还原系统。
7月3日Facebook、Instagram、WhatsApp都load唔到图其实只要冷静啲谂一谂，睇唔到图同片，又唔係login唔到，点计都唔关DDoS事。Facebook、Instagram、WhatsApp而家係同一间公司，明显係编程要死一齐死，软件工程师要负责。只要谂下，都可以肯定唔关DDoS事，何况Facebook咁大间公司，点会靠CloudFlare做网络保安？要做肯定都自己做埋啦！
Digital Attack Map又点解释？首先笔者会质疑attack map数据点嚟，要画一张咁嘅map，即係全世界所有server都将自己的数据send多份畀画图的人，咁先可以知道transaction的来龙去脉。问题係就算真係有呢啲数据send畀你，有无能力「接住」都成问题，全世界transaction的资料喎，你部机可以唔爆？
KOL一个永远唔会错的答案：DDoSDDoS的中文叫「分散式阻断服务攻击」，简单嚟讲就一大堆殭尸电脑去连结攻击目标，受攻击的电脑因要处理大量数据而变慢甚至当机。
而互联网中的数据本身就很多，有时某些网站突然爆红，CloudFlare这类保安公司若未能及时调配资源来处理数据，DDoS的效果亦会出现，所以互联网上的DDoS亦普遍得很。
所以DDoS同龙翔道因为多车所以塞车差唔多，日日都会有，只係程度上的分别。但大家无理由今日塞耐咗就话係恐袭，仲有好多好多原因可以令龙翔道塞车，可以係修路，亦都可以有警察放路障。
网络问题亦一样，次次话DDoS肯定唔会错，但主因不一定係DDoS。如果报导随便搵唔识科技嘅IT界KOL就指係DDoS，其实好唔负责任。同报假新闻又有乜分别？
本文获作者授权转载，原文请看作者Medium。